کارێکی که تاکو ته‌را یان ڕێکخراوه‌کان ده‌توانن بیکه‌ن بۆ پشتیوانی له پڕۆژه‌ی وه‌کوو ئاکادێمیی زمانی کوردی و کوردستانیکا ئه‌وه‌یه که داوا له دۆستان یا ئه‌ندامانی ڕێکخراوه‌کانیان بکه‌ن که کۆپی ئه‌و ماده‌و که‌ره‌ستانه‌ی لایان ده‌ست ده‌که‌وێ بخه‌نه سه‌ر قالبی ئێلێکترۆنی ( به سکانکردن، نووسینه‌وه‌یان به کۆمپیوتر، وێنه لێهه‌ڵگرتنه‌وه و وه‌کووتر) ئه‌گه‌ر ئێوه زمانانی دیکه‌ش ده‌زانن ده‌توانن یارمه‌تی بکه‌ن بۆ وه‌رگێڕانی ده‌ق له زمانی ئینگلیسییه‌وه بۆ سه‌ر زمانی فارسی، ترکی، و عه‌ڕه‌بی ( و به پێچه‌وانه)، هه‌ر وه‌ها ده‌توانن به‌و ده‌قانه دا بێنه‌وه که به ئینگلیسی بڵاو ده‌بنه‌وه و هه‌ڵه‌کانیان هه‌لوه‌ژێرن. ئه‌و چه‌شنه یارمه‌تییه ئه‌م زانیارییانه‌ی وا به‌ده‌سته‌وه‌ن ده‌گه‌یێنێته گشت ئه‌و که‌سانه‌ش که به هه‌موو زمانێک ناتوانن بخوێننه‌وه. ئێمه ده‌توانین سه‌رچاوه و ژێده‌ری کۆن سکان بکه‌ین یان ڕێنوێنیتان ده‌که‌ین بۆ ئه‌وه‌ی ئه‌و شوێنه‌ی به‌ڵگه و سه‌رچاوه‌که‌ی لێ ده‌ستده‌که‌وێ، بۆ ئه‌وه‌ی به‌یارمه‌تی ئێوه بخرێته سه‌ر فۆرماتی ئێلێکترۆنی و دواتر بخریته سه‌ر هێڵی ئینترنێت بۆ ده‌ستوێڕاگه‌یشتنی گشت لایه‌ک.
تاکوته‌را یان ڕێکخراوان ده‌کرێ له کتێبخانه‌کانی خۆیانه‌وه ده‌ستپێشخه‌ری بکه‌ن بۆ ئاماده کردنی کۆپی ئێلێکترۆنی ده‌ستنووس، کتێب و سه‌رچاوه‌ی دیکه‌ی که پێوه‌ندی په‌یدا ده‌که‌ن به‌و ئامانجانه‌ی ئاکادێمیی زمانی کوردی و کوردستانیکای له سه‌ر دامه‌زراوه. ئێمه له سه‌ر بنه‌مای یارمه‌تیدانێکی ئه‌وتۆی زانستکارانه دامه‌زراوین.
هه‌ر تاک و کۆمه‌ڵه و ڕێکخراوه‌یه‌ک له‌و باره‌یه‌وه یارمه‌تیده‌ر بن و پشتیوانیمان لێ بکه‌ن، له‌خواره‌وه‌ی ئه‌و بابه‌ته‌ی كه بڵاو ده‌کرێته‌وه نێو و ڕه‌مزی ڕێکخراوه‌که‌یان ده‌ستنیشان ده‌کرێ. به‌و شێوه‌یه‌یه پڕۆژه‌کان ده‌توانن ببن به سه‌رچاوه‌یه‌کی به‌ربڵاو و هه‌راوی زانین و ئاگاداری بۆ بیروڕای گشتی به یارمه‌تی بیروڕای گشتی خوی.
Comments
Yarmetí
sillaw
min bo werrgéraní farsí be kurdí ( kurdí be farsísh) amadey hawkarím
diyako ehmedpûr
Pirr supas kak Díyako
Tikye naw ú email xot le régay peywendí email bom rewane bike.