هه‌رچه‌ند خه‌ڵک به‌ گشتی به‌و کرمانجییه‌ی که‌ له‌ هه‌رێمی ڕۆژئاوای کوردستانی عێراق به‌ کار ده‌هێندرێ ده‌ڵێن ‘زاری بادینان’ ، ‘ له‌هجه‌ی بادینان’ ، یان ‘ بادینی ‘ ( به‌هدینی)، مرۆ ناتوانێ ئه‌و سنووره‌ ئاشکرا و ناسکراوه‌ی که‌ کرمانجی ئه‌و هه‌رێمه‌ به‌ ته‌واوی له‌ کرمانجی مه‌ڵبه‌ندی دی داده‌بڕێ دیاریی بکا. ئه‌و کرمانجی ئاخێوه‌رانه‌، یان ‘بادینییانه‌ی’، که‌ له‌ نزیک سنووری سوورییه‌ و ترکییه‌ ده‌ژین به‌ زمانێک ده‌دوێن که‌ زیاتر‌ له‌و کرمانجییه‌ نزیکه‌ که‌ کورده‌کانی ڕۆژئاوا و باکوور قسه‌ی پێده‌که‌ن. بۆ نموونه‌ وشه‌ی "خۆش" و " خۆ" که‌ له‌شاری دهۆکێ ده‌بیسترێ ، له‌و مه‌ڵبه‌ندانه‌ دا ده‌بن به‌ " خوه‌ش" و "خوه‌"، هه‌ر وه‌ها، ڕسته‌ی وه‌ک " ئه‌ز دکه‌م " ، "ئه‌ز د‌به‌‌م" و " ئه‌ز دده‌م" ی مه‌ڵبه‌ندی دهۆک ، ‌ ئامێدی و ئاکرێ له‌ شه‌نگال و زاخۆیه‌ ده‌بن به‌ " ئه‌ز دکم" ، " ئه‌ز دبم" و " ئه‌ز ددم".

درێژه‌ی ئه‌م بابه‌ته‌ له‌ ماڵپه‌ڕی ڕوانگه‌