you can login to your account or register with kal

Mamosta Hesen Selah Soran mallawayí le jhíyan kird

Le layen K. Abdí, Kurdistan, 17/09/2009

Mamosta Hesen Selah Soran, sha'írí nasrawí nawcey Feyzullabegí u mamostay wanekaní Kurdí le zankokaní Éran u zankoy Selahedíní Hewlér, katjhimér 12í níwerroy rojhí cuwarshemme rékewtí 25í xermanan, le mallí xoy le sharí Kerej mallawayí le jhíyan kird.

Mamosta Hesen Selah Soran, le binemalleyekí Feyzullabegí le gundí Saruqamísh ser be sharí Bokan le dayík búwe. Xuwéndiní seretayí u nawendí u duwanawendí le Bokan tewaw kirdúwe u le koléjhekaní Trinity, Saint George le willatí Berítanya zimaní Ínglízí xuwéndúwe u nizíkey 10 kitébí sebaret be Kurd, zimaní Kurdí u shé'r u pexshan be cap geyandúwe u komellék kitébí capnekirawíshí le pash be jéyí mawe.

Endazíyar Jemalledín Teha berpirsí gishty komelley Kurdaní daníshtúy Taran, le dídarékí taybet be mallperrí peyaminérí rageyand: katjhmér 10í ser le beyaní duwéné, xézaní mamosta peywendí péwe girtim u gutí mamosta Hesen Selah Soran hendék narrehete, minísh pém gut ke eger defermúy ésta déme xizmetí u deybeyn bo diktor. Bellam katjhmér 12í níwerro péyí rageyandm ke le orjhansewe hatún bo mallí u péy ranegeyshtin u mallawayí le jhíyan kirdúwe.

Nawbiraw herweha gutí: her wekú hemú layekman agadarín mamosta Hesen Selah Soran, núser u sha'írékí nawdarí Kurde, ke le tewawí beshekaní Kurdistan zor nawdare u le xizmet netewey Kurd u ferheng u rúnakbírí Kurdída bú. Tuwaní xizmetékí zor gewre be míletekey bikat. Mamosta Soran shewí shemesh le réwrresmí kobúnewey Kurdekaní Taran amade bú, zor tendirust bú, híc giriftékí nebú, bellam wadíyare emirro beyaní nexosh kewtúwe u mallawayí le jhíyan kirduwe.

Teha le diréjhey qisekanída gutí: ésta éme le ber dergay mallekeyanín u rawestawín takú kurr u kicekaní bén u birryar biden le ci shuwénék bínéjhín, ke eger le sharí Bokan bínéjhín ewe bíbeynewe bo ewé u egerísh le Taran bínéjhín ewa debét bírí lé bikeynewe ke bíbeyne ci shuwénék. Le ber ewey ke mamosta Soran le gundí Saruqamísh ser be sharí Bokan le dayík búwe, pém wabét her deybeynewe bo ewé u le diréjheshda réwrresmékí gewre u beshikoy le Taran bo saz dekeyn.

Berpirsí gishty komelley Kurdaní daníshtúy Taran, le kotayí em dídareda gutí: sha'érí nasirawí Kurd Hesen Selah Soran le zankoy Selaheddín le sharí Hewlér we herweha le zankokaní Éran, lewane Zankoy Taran, Zanky 'Ílm u Sen'et (sallí 2001 u 2002), Zankoy Beheshtí, Zankoy Qezwín u Herweha le Zankoy Ísfehan, wanekaní Kurdí be xuwéndikaraní Kurd u netewekaní díkey Éran gutuwetewe. Herweha le Komelley Kurdaní Daníshtúy Taranísh her waney zimaní Kurdí degutewe.

Jéy amajhe pédane rojhí pénjsheme 16í Júlay 2009 be amadebúní cendín kesayetí ferheng u roshinbírí Kurd, korrí hellsengandin u shíkirdnewey berheme shé'ríyekaní Hesen Selah Soran le hollí Komelley Kurdaní Daníshtúy Taran berréwecú.

Jéy webírhénaneweye sallí par le konfiransí zanstí "Hellebje u Serdesht u Enfal" ke le layen kumítey serbexoyí xuwéndkaraní Kurd le Hollí Sedir le koléjhí abúrí Zankoy Ísfehan berréwecú, xellatí taybetí qutabíyaní Kurd péshkesh be mamosta Hesen Selah Soran kira.

Em xellate bem boneyewe bú ke Mamosta Soran le mawey 15 sallí rabirdúda berdewam yarmetí qutabíyaní Kurdí dawe u le zorbey kar u calakí xuwéndkarí Kurdída beshdarí kirdúwe u le zorbey zankokaní Taran u herweha zankoy Ísfehan u Qezwín u cendín zankoy díkey Éran wane u zimaní Kurdí be qutabíyaní Kurd u Éraní gutuwetewe.

Rohí Shad u nawí payedar bét!

Billaw kirawekan

  1. Selah (Soran), Hesen. 1998 (1377). Regajoy wishe le zimaní kurdí da. Sírwan: (15 (péshjimare)) 10.
  2. Selah, Hesen. 1988 (1367). Kamyan dirust e. Sirwe: (30) ?.

 

 

No votes yet