you can login to your account or register with kal

Kishanewe Le Daxuwazínamey Be Standard Kirdiní Soraní

strict warning: Only variables should be passed by reference in /var/www/vhosts/kurdishacademy.org/httpdocs/modules/book/book.module on line 559.

Selah Ehmed (Hawillatí, jhi 434, 25/6/2008)

Min ( Selah Ehmed) nawim xistibúwe ser ew daxuwazínameyey ke le jhér nawníshaní "Peyamí komellék núser u edíb u ekadémístí Kurd" le laperrey 2 Hawlatí jhimare 415 le berwarí 20 Nísaní 2008 da billaw kirayewe. Demewét le régey em serinjewe u peshímaní u her weha kishanewey xom le daxuwazínameke rabigeyenim. Daxuwazínameke le rúy shéwaz u nawerokewe zor késheamíze, bellam lére da tenya amajhe be cend hoyekí serekí dekem bo kishanewekem:

  1. Babetí zimaní resmí péwístí be pékhatiní firawantir u lékollínewey qúlltir heye u ew jore karesh be héze siyasiyekan nakirét u bigire karí ewanísh niye lem qonaxe da. Ewey jégay serinje dawxuwazínameke pékhatinékí firawaní nexistúwete rú sebaret be dawxuwaziyeke. Bo nimúne dawxuwazínameke pékhatiní shéwezarekaní Kirmanjí u Goraní u Lurrí péshannadat ta daxuwaziyeke hendék rewayetí werbigirét. Gercí surushtí daxuwaziyeke, ke daway serdest kirdiní shéwezarékí díyaríkiraw dekat, merj niye giring bét ta kes le serí pékbét.
  2. Birryarí " standard kirdiní " Soraní be tenya serdestkirdiní Soraní niye be ser shéwezarekaní díke da, bellkú birryarí serdestkirdiní núsíníshe be pítí 'Errebí le batí Latíní. Em késheye jige le alloziyekaní u kurdnasí, peywendí be serdestkirdiní siyasíaney girupék le xellkewe heye be ser girúpekaní díkey xellkda le Kurdistan le ser binemay shéwezar. Serdestkirdiní her shéwezarék seretay narrewayetí u nayeksaní zíyatirí ínsaní u kultúrí u siyasí u abúrí dehénéte arawe le néwan daníshtúwaní nawce jíyajíyakaní Kurdistanda.
  3. [4] Le ber ewey ke ew késheye peywendí be maf u be yeksaní u be azadiyewe heye, pémbashe xom nexeme ber ew berpirsiyarétiye narrúne weke daxuwazínameke deyhénéte arawe. Zanyariyekí serekí derbarey ew base eweye ke híc shéwezarék niye hící le shéwezarékí díke zíyatir bét ta bikirét be zimaní desellatí siyasí u ídarí. Duwajar madam xellkék hen be Kirmanjí yan Goraní yan Lurrí yan Zazakí u yan shéwezarí díke qise deken, erkí desellatí ídarí u siyasí eweye réz lew hemerrengiye bigirét nek pakitawí bikat. Giringí ziman eweye ke zimaní dayke bo xellkékí díyaríkiraw, nek ewey ke aya Qazí Mihemed yan Mistefa Barzaní qiseyan pékirduwe yan nekirduwe.
  4. Eger dawayek hebét le barey zimanewe ke le siyasiyekan u perlemantare Kurdekan bikirét, deshét ewe bét ke birrék 'ezét bikéshin be bashí xoyan férí zimaní Kurdí biken, ja her yek le shéwezarekaní Kurdí bét.

Tébíní : ew rúnkirdinewey berréz Selah Ahmed le jhimarey 434 í Hawillatí cuwarsheme 25/6/2008 laperrey 2 da billawkirawetewe. Em deqe le wébnúsí Ruwange wergírawe u hénirawete ser rénúsí Yekgirtú

No votes yet

In focus articles